Convocatoria de actividades nos centros cívicos do Concello de A Coruña

 Do 1 ao 3 de setembro de 2025, ábrese o prazo de preinscrición nas actividades socioculturais dos Centros Cívicos do Concello de A Coruña para o período 2025/2026 entre as que se ofertan diversas prazas para os nenos e nenas da nosa cidade ademais doutras actividades para outras idades.

Nos seguintes enlaces pódese consultar toda a información oficial:

• Enlace coa convocatoria do Concello: https://www.coruna.gal/serviciossociales/es/inicio/noticias/detalle-noticias/convocatoria-de-actividades-socioculturales-en-los-centros-civicos-septiembre-2025/suceso/1453898657468?argIdioma=es 
• Enlace para consultar a oferta de actividades dos diferentes Centros Cívicos: https://www.coruna.gal/serviciossociales/es/actividades/actividades-convocatoria-enero-2025

• Enlaces coa Programación dos Centros Cívicos cos que habitualmente coordinamos:

Centro Cívico Monelos:  https://www.coruna.gal/descarga/1453881991364/MONELOS.pdf

Centro Cívico Eirís: https://www.coruna.gal/descarga/1453881992172/EIRIS.pdf

Centro Cívico Palavea: https://www.coruna.gal/descarga/1453881990333/PALAVEA.pdf

Centro Cívico Os Mallos: https://www.coruna.gal/descarga/1453881991926/MALLOS.pdf

O paso de Educación Primaria a Educación Secundaria

O 4 de febreiro de 2025 remata o proceso de reserva de praza nos IES para o alumnado que opta a continuar estudos no centro de adscrición e podedes  atopar toda a información oficial no portal da nosa Consellería de Educación no enlace https://www.edu.xunta.gal/portal/familiasealumnado/escolarizacioneadmision

Desde o Departamento de Orientación do noso CEIP, elaboramos unha presentación referida a este paso, agardando que sexa da vosa utilidade.

QUE É ISO DA ESO de Nacho Castro

Dependencia - Discapacidade: importante novidade lexislativa

 Coa entrada deste 2025, o pasado 2 de xaneiro, publicouse no DOG a Resolución 31/12/2024 da Consellería de Política Social no que se aproba un modelo normalizado de solicitude conxunta do recoñecemento da situación de dependencia e do dereito as prestacións do sistema para a autonomía e atención á dependencia na Comunidade Autónoma de Galicia e do recoñecemento do grao de discapacidade que podedes consultar no seguinte enlace: 

https://www.xunta.gal/dog/Publicados/2025/20250102/AnuncioG0762-271224-0003_es.pdf

Agardamos que esta unificación axilice estes procesos imprescindibles en moitas situacións en todos os ámbitos e que no proceso educativo son especialmente fundamentais xa que o principio da atención á diversidade no que se vertebra o ensino pódese ver favorecido cara a optimización do desenvolvemento de todo o noso alumnado. 

Nestes momentos a concesión destes recoñecementos inflúen en:

• Plan MEGA: programa iniciado este curso escolar 2024/2025 pola Consellería de Educación no que teñen en conta os recoñecementos tanto de dependencia como de discapacidade para a dotación de profesorado especialista e para a redución da rateo (cantidade de alumnado por aula) no caso de haber alumnado con recoñecemento.
• Bolsas de Necesidades Específicas de Apoio Educativo convocadas polo MEC cada curso escolar.
• Dotación nos centros de recursos humanos cara a equidade como poder ser Persoal Auxiliar Coidador ou Intérprete de lingua de signos.

Para maior información os deixamos os enlaces oficiais da Consellería de Política Social onde ven explicado o que se considera DEPENDENCIA e DISCAPACIDADE xunto cos requisitos, graos, documentación e información complementaria:

DEPENDENCIA: https://politicasocial.xunta.gal/es/areas/mayores-y-dependencia/que-es-la-dependencia

DISCAPACIDADE: https://politicasocial.xunta.gal/gl/areas/discapacidade

STOP BULLYING

 O pasado 2 de maio celebrouse o Día Internacional contra o Acoso Escolar mais desde este blog, optamos por declarar todos os días e todas as horas como necesarios para o coñecemento, a prevención, a detección e a solución de calquera situación que puidese darse relacionada con esta problemática; que non é nova e ademais nestes tempos nos que vivimos ten manifestacións cada vez máis agochadas aos ollos da sociedade.

Desde os centros educativos da nosa Comunidade Autónoma temos: plans, protocolo, documentos diversos cos que poder abordar o Acoso mais aínda así, resulta especial dificultoso o detectar estas situacións e  discernir esa liña vermellísima á que nunca se debería chegar: 

• Plan integral Contra o Acoso e o Ciberacoso Escolar da Consellería de Educación https://www.edu.xunta.gal/portal/sites/web/files/plan_integral_contra_o_acoso_e_o_ciberacoso_escolar_1.pdf 
• Protocolo educativo para a Prevención, Detección e Tratamento do Acoso e o Ciberacoso Escolar https://www.edu.xunta.gal/portal/sites/web/files/protocolo_educativo_para_a_prevencion_deteccion_e_tratamento_do_acoso_e_ciberacoso_escolarpdf_1.pdf
• Plan Director.
• Programa Navega con Rumbo.
• Punto Laranxa.
• Documentos: Plan Xeral de Atención á Diversidade, Programa de Habilidades Sociais; Plan de Acollida; Plan de Convivencia; Plan de Benestar emocional; Plan de Acción Titorial; Plan de Igualdade.

Entre as palabras que poderíamos asociar cara a saber detectar esta lacra estarían: intimidación, matonismo, persecución, asedio, novatada.

Para concienciarnos, se aínda non o estamos, adxuntamos 2 vídeos cos que intentamos abrir os ollos para nunca pechalos:

: 

Axudas MEC para Alumnado con Necesidade Específica de Apoio Educativo para o curso 2024-2025

Bo día

Desde o 30 de abril de 2024 ata o 13 de setembro de 2024 estará aberto o prazo de presentación de solicitudes das Axudas para alumnado con Necesidade Específíca de Apoio Educativo para o curso 2024-2025 convocadas polo Ministerio de Educación, Formación Profesional e Deportes.

Toda a información ao respecto está nos seguintes enlaces:

INFORMACIÓN XERAL:   https://www.becaseducacion.gob.es/becas-y-ayudas/ayudas-apoyo-educativo/como-solicitarla.html

ENLACE PARA INICIAR SOLICITUDE: https://www.educacionfpydeportes.gob.es/servicios-al-ciudadano/catalogo/estudiantes/becas-ayudas/para-estudiar/deportivas/necesidad-especifica-apoyo-educativo.html

RESOLUCIÓN QUE  LEXISLA: https://www.pap.hacienda.gob.es/bdnstrans/GE/es/convocatoria/754862/document/1050557

Achegándonos ao TEA

 Este pasado 2 de abril conmemorouse como todos os anos o Día Mundial do Autismo que para tratar de entendelo é necesario darlle a maior visibilidade posible a esta realidade da nosa sociedade.

Na actualidade noméase como Trastorno do Espectro do Autismo (coñecido por TEA) a "unha condición de orixe neurobiolóxica que afecta a configuración do sistema nervioso e ao funcionamento cerebral; acompañando á persoa ao longo de toda a súa vida e afectando fundamentalmente a 2 áreas do desenvolvemento persoal: a comunicación e interacción social; e a flexibilidade de pensamento e comportamento".

No noso CEIP vivimos día a día a experiencia de poder traballar e sobre todo de aprender co alumnado que presenta esta condición.

Resulta fundamental:

• Rapidez na detección.
• O fortalecemento da Estimulación Temperá a través dos Servizos Públicos (Sanidade, Educación, Benestar) desde o mesmo momento de sospeita con incremento de recursos.
• No noso ámbito educativo é urxente a dotación de profesionais especializados no 1º ciclo de educación Infantil e o aumento nas demais etapas educativas, xunto cunha necesidade de continuidade.
• O axuste e flexibilización das modalidades de escolarización dispoñibles co obxectivo de dar resposta de calidade e especializada ás necesidades existentes.
• Flexibilidade e innovación educativa na metodoloxía educativa.

Para coñecer máis (guías,recursos,..) recomendamos os seguintes enlaces:

• ASPANAES, asociación con Convenio coa Consellería de Educación e coa que nos coordinamos e que acaba de actualizar a súa páxina Web: https://aspanaes.org/?utm_campaign=presentacion-web-a-grupos-de-interes&utm_medium=email&utm_source=acumbamail
• Blog Mónica Diz Orienta, blog especializado en Orientación Educativa e Atención á Diversidade, que neste enlace presenta Guías e Recursos de interese: https://monicadizorienta.blogspot.com/search/label/Autismo
• Les Chaussures de Louis (Los zapatos de Luis): curtametraxe de animación francesa de 2020 dirixido por Marion Philippe, Kayu Leung, Théo Jamin y Jean-Géraud Blanc e producido por Anne Brotot con MoPA 3D School. A curto presentouse en varios festivais, e gañou premios en 2021 no Festival Internacional de Cine de Animación Trickfilm de Stuttgart e nos Premios da Academia de Estudantes.

Inicio do proceso de admisión en centros

Este venres 1 de marzo de 2024 e ata o 20 de marzo, iníciase un dos procesos nos que as familias da rapazada infantil amosa máis dúbidas, temores ao longo da crianza: a admisión nun CEIP (Centro de Educación Infantil e Primaria).

A información de todo este proceso nos diferentes centros é de obrigada publicidade en todos eles (no noso CEIP Ramón de la Sagra está no enlace https://www.edu.xunta.gal/centros/ceipramonsagra/).

Recomendamos tamén o enlace do portal da Consellería de Educación   https://www.edu.xunta.gal/portal/familiasealumnado/escolarizacioneadmision onde detalla:

• Solicitudes
• Prazos e lugares de presentación.
• Documentación.
• Documentación necesaria cando a demanda sexa superior á oferta.
• Criterios de baremo.
• Asignación de prazas.
• Publicación de listaxes.
• Adxudicación subsidiaria.
• Matrícula.
• Normativa

Desde o Departamento de Orientación queremos aportar o noso gran de area cunha presentación con aspectos e recomendacións para o desenvolvemento do alumnado de Educación Infantil.

Benvida

Iniciamos este Blog coa ilusión de converter este espazo nun lugar de encontro que sirva de luz para informar, facer reflexionar e colaborar na mellora do coñecemento de todo o relacionado coa realidade educativa da que somos partícipes. Temos a curiosidade por compartir experiencias e ofrecer alternativas a diferentes situacións coas que nos atopamos no noso día a día no ámbito educativo profesorado, alumnado e/o familias. Vémonos!

Novidade no uso dos móbiles nos centros educativos de Galicia

 A Consellería de Educación vén de publicar a Orde de 4 de xaneiro de 2024 sobre o uso dos teléfonos móbiles e dispositivos electrónicos nos centros educativos,

 https://www.edu.xunta.gal/portal/sites/web/files/20240104_orde_uso_mobiles_asinada.pdf

Recomendamos a lectura da Guía para padres con hijos en Educación Primaria sobre el uso saludable de las nuevas tecnologías (Defensor del Menor Comunidad de Madrid, Fundación Gaudium, Obra Social Caja Madrid) na que de manera moi didáctica e práctica tratan esta temática:

https://www.juntadeandalucia.es/educacion/portals/delegate/content/86644dce-58cb-4251-bee8-0c361b5aabd7